[i574]
DE LA VILLE DE PARIS.
185
CCCXXIX. — Pour prandre garde aux chevaulx du Lendit. [Lettres de la Royne, Mere du Roy, Régente en France.]
Données le 11 juin 1.574. (Fol. i46 r°.)
De par la Royne, Mere du Roy, Régente en France.
Aux Prevost des Marchans et Eschevins de la bonne Ville de Paris.
"Pour ce que ceulx qui portent les armes contre le Roy, nostre trés cher Sieur et Filz, pourroient envoier à la foire du Landit, qui se tient en la ville de Sainct Denys en France, achepter des chevaulx ; et desirans y pourveoir pour l'empescher, vous man­dons que vous aiez l'ung d'entre vous Eschevins à estre, durant laditte foire, continuellement audict Sainct Denis pour veoir à l'issue aux portes, quelz chevaulx y auroient esté acbeptez, et par qui; affin
que si vous cojnoissiez que ce feust à personnes de la condition susditte, vous faciez arrester ausd, portes lesdictz chevaulx, et nous le faire entendre.
"Ordonnant pour ce aux Eschevins et habitans dudict Saint Denis ou autres ayans la garde d'icelles portes, ne laisser sortir aulcuns desdictz chevaulx jusques à la valleur de vingt escus et au dessubz, sans passeport, ausd, portes deSainctDenis, de vous, que chargeons de ce faire bien exactement pour ceste fois, et sans tirer à consequence ou prejudice aux previlleges de laditte foire et au sieur Abbé dudict Sainct Denis.
"Faict à Paris, le xi0 jour de Juing m v° lxxiiii.».
Signé : r Pinart r,.
CCCXXX. — Idem. — [Ordonnance du Bureau de la Ville.]
12 juin 1574. (Fol. 146 v°.)
De par la Royne, Mere du Roy, Régente en France.
"Deffences sont faittes à tous marchans de che­vaulx, estans de present en la ville de Sainct Denis, de ne vendre aucuns chevaulx de service excedans la valleur de vingt escus à aulcunes personnes, de quelque qualité ou condition qu'ilz puissent estre, pendant la foire du Landit, sans avoir bonne et cer­taine congnoissance de ceulx ausquelz ilz les ven­dront et qu'ilz soient catholicques, bons, loyaulx et lidelz serviteurs du Roy ;
"Et aux capitaines et gardes des portes de la ville de Sainct Denis, de ne laisser sortir iceulx chevaulx hors laditte ville estans acheplez pendant laditte foire, sans passeport signé de Sa Majesté ou de l'un des Secretaires d'Estat, des Prevost des Marchands et Eschevins de laditte Ville de Paris ou l'un d'eulx; ce qui leur est enchargé fere bien exactement pour
ceste fois, et sans tirer à consequence ou prejudice des previlleges de laditte foire et du sieur Abbé de Saint Denis;
«Le tout sous peine ausditz marchands de pugni-tion et de confiscation desdictz chevaulx et d'amende arbitraire, et ausdictz cappitaines et gardes des portes d'en respondre.
"Et est enjoinct et ordonné aux Maire et Eschevins de laditte ville Sainct Denys de tenir la main ad ce que les deffences et ordonnances susdittes soient aussy bien et exactement gardées et observées, et le tout suivant l'Ordonnance de Saditte Majesté adressée ausditz Prevost des Marchans et Eschevins de laditte ville de Paris en datte du xi'ne jour de ce present mois de Juing, signée au bas : « Pinart" avec un paraphe.
"Faict au Bureau de l'Hostel de Ville de Paris, le xiim° jour dud. mois mv'lxxiuiC'.d
O Au Registre, après ces Lettres viennent cinq pièces datées des i5, 19 et 26 juin, puis de nouvelles Lettres de la Reine Mère, Régenle, en dale du 14 juin, suivies du procès-verbal de l'Assemblée de Ville tenue le 22 juin. Nous rétablissons l'ordre chronologique de ces divers documents.
i"....i)...i.iE r,ATio-.*t.t:.